Balisawsaw

BAKIT BINABALISAWSAW?

✅ Ang BALISAWSAW ay maraming ibig sabihin sa ating wika, ngunit ang pinakamadalas na definition nito ay ang MADALAS NA PAG-IHI buong araw (hindi lang tuwing gabi). 

✅ Minsan, ang BALISAWSAW ay tumutukoy naman DYSURIA o ang mahapding pag-ihi. 

✅ Dahil sa ang sintomas na madalas na pag-ihi o mahapding pag-ihi ay parehong sintomas ng impeksyon sa ihi, ang BALISAWSAW ay madalas na nauugnay sa pagkakaroon ng UTI o URINARY TRACT INFECTION.

✅ Ang normal na bilang ng pag-ihi sa isang araw ay nasa 4-10 na BESES (average ay 6-7 na beses). Kapag lumampas sa bilang na ito, maaaring sabihin na ikaw ay BINABALISAWSAW.

✅Ang pinakakaraniwang dahilan pa rin ay impeksyon sa ihi o UTI. Ang pagpasok ng BACTERIA sa daluyan ng ihi papunta sa pantog ay nagdudulot ng irritation. Isa sa mga common reaction ng katawan ay umihi ng umihi.

✅Ibang dahilan ng pagkakaroon ng BALISAWSAW:

 - OVERACTIVE BLADDER

 - DIABETES MELLITUS

 - LABIS NA PAGINOM NG KAPE, SOFT DRINKS O ALAK

 - MALAKING PROSTATE GLAND

 - MGA GAMOT PAMPAIHI GAYA NG FUROSEMIDE

 - KIDNEY AT BLADDER STONE

 - PAGBUBUNTIS

 - ANXIETY DISORDERS

🚩Ang BALISAWSAW ay maaaring senyales ng mas seryosong sakit. Magpatingin agad sa doktor kung nakakaranas ng mga sumusunod na sintomas o senyales kasabay ng balisawsaw:

 - Dugo sa ihi

 - Pananakit ng tagiliran o puson o singit

 - Hirap sa pag-ihi o konti ang paglabas ng ihi

 - Lagnat