BAKIT NANGANGATI ANG KATAWAN NG MGA MAY END-STAGE RENAL DISEASE?

✅ Ang UREMIC PRURITUS o pangangati sa mga pasyenteng may END-STAGE RENAL DISEASE / CKD STAGE 5 ay isa sa mga karaniwang sintomas na kanilang nararanasan.

Ang PANGANGATI ay kadalasang nararamdaman sa LIKOD ngunit pwede ring maranasan sa mga KAMAY, ULO, at TIYAN. Maaari ring mangati ang BUONG KATAWAN.

Ang PANGANGATI ay mas malala TUWING GABI at kapag MAINIT ang panahon o kapag pinagpapawisan

Ang PANGANGATI ay kadalasang HINDI NAWAWALA kahit uminom na ng mga gamot para sa pangangati gaya ng mga ANTI-HISTAMINE (diphenhydramine, hydroxyzine, etc.)

Ang mga sumusunod na pasyente ay mas mataas ang RISK o CHANCE na magkaroon ng PANGANGATI o UREMIC PRURITUS:

KULANG SA DIALYSIS (UNDERDIALYSIS)

MATAAS ANG LEVEL NG PARATHYROID HORMONE

MATAAS ANG LEVEL NG PHOSPHORUS SA DUGO

MAY DRY SKIN O XEROSIS

MATAAS ANG LEVEL NG MAGNESIUM AT ALUMINUM SA DUGO

MATAAS ANG LEVEL NG BETA-2 MICROGLOBULIN

Upang tanggalin ang UREMIC PRURITUS o PANGANGATI, kailangang gawin ang mga sumusunod:

Taasan ang DOSAGE ng DIALYSIS (mas madalas, taasan ang blood flow, gumamit ng high flux dialyzer)

Pababain ang PHOSPHORUS at / o PARATHYROID HORMONE levels sa pamamagitan ng dialysis, diet at mga gamot

Regular na paggamit ng mga EMOLIENTS o MOISTURIZERS para hindi matuyo ang balat

Gumamit ng mga gamot gaya ng GABAPENTIN at PREGABALIN (KAILANGAN NG RESETA NG DOKTOR!)

Sumailalim sa PHOTOTHERAPY gamit ang UV-B irradiation

Laging sumangguni sa inyong NEPHROLOGIST kapag may nararamdaman. HUWAG UMINOM NG GAMOT na walang SUPERVISION ng inyong doktor.